வழக்கறிஞர்களின் நெறிமுறைகளை மீறியதற்காக கண்டியைச் சேர்ந்த ஒரு வழக்கறிஞரின் உரிமத்தை ரத்து செய்து உச்ச நீதிமன்றம் தீர்ப்பளித்துள்ளது.
ஓய்வுபெற்ற மேஜர் டபிள்யூ. எஸ்.எல்.எஸ். பாலிபன தாக்கல் செய்த புகாரை விசாரித்த பின்னர் உச்ச நீதிமன்றம் இந்த தீர்ப்பை வழங்கியுள்ளதாக கொழும்பு ஊடகமொன்று தெரிவித்துள்ளது.
மார்ச் 1, 2006 மற்றும் பெப்ரவரி 15, 2007 ஆகிய திகதிகளில் ஒரு வழக்கில் செயற்பட பிரதிவாதி, வழக்கறிஞரை நியமித்ததாகவும், சேவைக்காக ஒரு லட்சம் ரூபாய் கோரியதாகவும், அவருக்கு ரூ. 50,000 முன்பணம் வழங்கப்பட்டதாகவும் மனுதாரர் கூறியுள்ளார்.
இருப்பினும்,வழக்கறிஞர் வாக்குறுதியளித்தபடி தனது சேவையைச் செய்யாததால், வழக்கறிஞர் வழங்கிய ஆவணங்கள் மற்றும் பணத்தை ஒப்படைக்கத் தவறியதால், மனுதாரர் பெப்ரவரி 27, 2008 அன்று உச்ச நீதிமன்றத்தில் மனு தாக்கல் செய்தார்.
அதன்படி, தொடர்புடைய வழக்கை நீண்ட நேரம் விசாரித்த பிறகு தீர்ப்பை அறிவித்த நீதிபதி ஷிரான் குணரத்ன தலைமையிலான மூன்று நீதிபதிகள் கொண்ட அமர்வு, இந்த நடவடிக்கையின் மூலம் பிரதிவாதி சட்டத் தொழிலின் நற்பெயருக்கு கடுமையான சேதத்தை ஏற்படுத்தியுள்ளதாகக் கூறியது.
வழக்கறிஞர் தொழில் என்பது தனிப்பட்ட லாபத்திற்காக சுரண்டப்படுவதற்கான ஒரு சலுகை அல்ல என்றும், சட்டத் தொழில் என்பது ஒரு தொழில் மட்டுமல்ல, மரியாதைக்குரிய பொது நம்பிக்கை என்றும் நீதிபதி குறிப்பிட்டார்.
குற்றச்சாட்டுகளில் வழக்கறிஞர் குற்றவாளி என நிரூபிக்கப்பட்டால், அவரது பெயரை பார் ரோலில் இருந்து நீக்குமாறு உச்ச நீதிமன்ற பதிவாளருக்கு மூன்று நீதிபதிகள் கொண்ட அமர்வு உத்தரவிட்டது.
