தாய்லாந்து விசா முடிந்ததும் கோட்டா எங்கு செல்வார் ?

2:20 pm

முன்னாள் ஜனாதிபதி கோட்டாபய ராஜபக்ச தனது 90 நாள் தாய்லாந்து விசா முடிந்து நவம்பர் மாதம் இலங்கை திரும்புவார் என்றும், வேறு நாட்டில் தற்காலிக தங்குமிடம் பெறுவதற்கான வாய்ப்புகள் இல்லாததால் அவர் நாடு திரும்புவார் என்றும் தெரிவிக்கப்படுகிறது .

ராஜபக்ச சிங்கப்பூரில் இருந்து புறப்பட்டு தாய்லாந்து சென்றுள்ளதாகவும் அங்கு 90 நாட்கள் தங்கவுள்ளதாகவும் அதன்பின் அவர் எந்த நாட்டிலும் தஞ்சம் கோரவில்லை எனவும் அரசியல் வட்டாரங்கள் தெரிவித்துள்ளன.

தாய்லாந்து பிரதமர் மனிதாபிமான அடிப்படையில் கோட்டாபய ராஜபக்ச தாய்லாந்திற்குள் நுழைய அனுமதிக்கப்படுவார் என்று வெளிநாட்டு ஊடகங்களுக்கு நேற்று தெரிவித்திருந்தார்,

மேலும் கோட்டாபய சார்பில் இலங்கை அரசு நேரடியாக தலையீடு செய்ததுடன், அவர் தாய்லாந்தில் தற்காலிகமாக தஞ்சம் அடைய அனுமதி கோரியதாகவும் கடந்த மாதம் கோட்டாபய ராஜபக்ச கொழும்பில் இருந்து மாலைத்தீவுக்கு சென்றதில் இருந்து, இலங்கை அரசு, மாலைத்தீவு, சிங்கப்பூர், தற்போது தாய்லாந்து அரசுடன் தொடர்பு கொண்டு, ராஜபக்சவை தற்காலிகமாக அந்நாடுகளில் தங்க வைப்பதற்கான ஏற்பாடுகளை செய்து வருகிறது எனவும் தெரிவிக்கப்படுகிறது . .

எவ்வாறாயினும், நவம்பர் மாதம் 90 நாட்கள் தாய்லாந்து விசா முடிவடைவதால், ராஜபக்ச இலங்கைக்கு திரும்புவார் என்று அரசியல் வட்டாரங்கள் தெரிவித்தன, ஏனெனில் அவர் ஒரு இலங்கை குடிமகன் மற்றும் நாட்டில் தங்குவதற்கான அனைத்து சட்டப்பூர்வ உரிமையும் அவருக்கு உள்ளது.

கோட்டாபய ராஜபக்ச நாட்டை விட்டு செல்வதற்கான செலவுகளை அவரும் அவரது மகன் மனோஜ் ராஜபக்ஷவும் ஏற்றுக்கொண்டதாகவும், அவரையும் அவரது மனைவியையும் ஏற்றிச் செல்ல விமானப்படை விமானத்தை தவிர வேறு எந்த அரச நிதியும் இதுவரை பயன்படுத்தப்படவில்லை என்றும் ஆங்கில ஊடகம் ஒன்று செய்தி வெளியிட்டுள்ளது

மத்திய கிழக்கில் ராஜபக்சே தஞ்சம் கோருவதற்கு பல முயற்சிகள் மேற்கொள்ளப்பட்ட போதிலும், அவருக்கு சாதகமான பதில் கிடைக்காததால், நவம்பரில் அவர் மீண்டும் இலங்கை திரும்புவதற்கான முடிவு எடுக்கப்பட்டுள்ளதாக தெரியவருகிறது